筆順練字 · 小學中英數

為香港小學生而做嘅中、英、數練習 App。重點係筆順同寫字。 ■ 跟香港字形標準 每個字嘅筆畫數都對過香港字形標準先會教。港台寫法唔同嘅部件（礻、衤，同「充、流、育」個頭）已經按香港寫法調整；艹、辶、阝 三個部首嘅筆順亦都拆返做香港寫法。核對唔到、或者資料有衝突嘅字，我哋寧願唔教寫，只提供字形同讀音 —— 教錯衰過教少。 可以教寫嘅字：6,597 個（小一至小六，另加進階）。 ■ 中文 ．筆順練習：睇示範，然後用手指逐筆寫。寫錯筆順即刻提示，唔會等你寫完先話你知。 ．自訂練字：打入今個星期嘅默書範圍或者任何句子，即刻練嗰啲字。 ．默書練習：App 用廣東話讀出詞語，小朋友喺紙上寫，之後一齊對答案。答錯嘅字自動入弱項。 ．查字典：粵拼、普通話拼音、部首、筆畫數、筆順動畫、英文解釋。 ．發音：廣東話真人語音朗讀（普通話拼音有文字，發音將於下個版本加入）。 ．弱項練習：專練成績較差嘅字。 ．中文測驗：聽讀音揀字、揀粵拼、數筆畫，計分記錄，可以無限次重測。 ■ 英文 六個課程主題嘅詞彙、拼字、句子重組同測驗，小一至小六共 815 個生字、120 句。 ■ 數學 小一至小六 51 個課題（加減乘除、分數、小數、百分數、時間、長度／重量／容量單位、圖形同角、對稱、統計圖、周界面積、體積、圓周圓面積、平均數同中位數、速率、簡易方程…），每次 10 題即時對答案，另有 20 題測驗同心算挑戰。 ■ 工作紙（A4 打印） 中、英、數三科都可以砌 A4 練習紙。中文係田字格描紅，數學連答案頁。打印出嚟畀小朋友喺紙上面寫。 ■ 玩得又學得 降字消除（寫啱筆順先消得走）、一分鐘挑戰、兩人對戰（兄弟姊妹喺同一部機鬥）、集字簿（寫過嘅字會儲落嚟）。 ■ 家長想要嘅嘢 ．多個小朋友：每個學生嘅進度、成績、印章分開記，左上角一撳就轉。 ．成績表：一張 A4，列出三科成績、每個字嘅合格率同弱項，打印出嚟畀老師或者補習老師睇。 ．全部學習紀錄只存喺部機度，唔會上傳。冇廣告、冇追蹤、冇第三方分析。 ．購買同外部連結之前都要家長答一條數。 ■ 免費同訂閱 免費版包括三科嘅全部小一內容、查字典、成績紀錄同弱項練習。 訂閱可解鎖小一至小六（連進階）、三科工作紙、同不限字數嘅自訂練字。 月費 HK$38 / 年費 HK$298（年費平約三成）/ 永久版 HK$498（一次過買斷，唔會再收費）。 月費同年費會自動續期，可以隨時喺 Apple ID 設定取消；永久版係一次性付款，冇續期。 使用條款 (Terms of Use / EULA)：https://www.apple.com/legal/internet-services/itunes/dev/stdeula/ 私隱政策：https://bishun-iota.vercel.app/privacy.html ■ 資料來源 筆順筆畫：Make Me a Hanzi（Arphic Public License）· 筆順次序、部件：CNS11643 全字庫（政府資料開放授權條款）· 部首、級別、粵音：Unihan（Unicode License）· 中英解釋：CC-CEDICT（CC BY-SA 4.0）· 字形：自由香港楷書 Free HK Kai（CC BY 4.0）。全部都係自由授權來源。